ഇനിയൊരു പുനര്‍ജ്ജനനം വേണ്ടെനിക്ക്

എത്രയോ വട്ടം പുനര്‍ജ്ജനിച്ചിരിക്കുന്നു
ഞാന്‍ ഓര്‍മ്മയായും, നിലാവായും, സ്വപ്നമായും 
ഞാന്‍ തീര്‍ത്ത എന്‍റെ അക്ഷരച്ചെപ്പിന്‍റെ സ്പന്ദനത്തില്‍ !!

ഇനിയൊരു പുനര്‍ജ്ജനനം വേണ്ടെനിക്ക് !!

നിന്‍റെ ഓര്‍മ്മകളില്ലാതെ,
നീയില്ലാതെ ഞാന്‍ എങ്ങനെ ഞാനാവും ... !!

മനസ്

ചുവന്നു പൂത്ത വേനലില്‍ ആത്മാവ് ദഹിക്കുമ്പോള്‍
ഓര്‍മ്മകളിലൊരു പേമാരി പെയ്യുമായിരിക്കും !

അതില്‍ നനഞ്ഞു കൊഴിയുന്ന നിമിഷങ്ങളില്‍
ദൂരെയെവിടെയോ നീയെന്നെ മറക്കുമായിരിക്കും !

ഇരുളിലൊരു തിരിനാളമാടി ഉലയുമ്പോള്‍ പുലരിക്കായ്‌കാത്തൊരു നക്ഷത്രമുദിക്കുമായിരിക്കും

നിന്നെയോര്‍ക്കാതെ ഞാനുറങ്ങുന്ന ആ രാവില്‍,
ഞാനെന്നോ എഴുതിയ വരികളില്‍ നീ നിന്നെത്തന്നെ
ചികഞ്ഞെടുക്കുമായിരിക്കും !