സ്നേഹം

സ്നേഹം അതെന്തിനോടും ആരോടും ആകാം. അതിമനോഹരമായ അനുഭവമാണ് സ്നേഹം. അത് രണ്ട് വ്യക്തികൾ തമ്മിലാകുമ്പോൾ പ്രണയമാകാം. വെറുമൊരു വിനോദം മാത്രമല്ല സ്നേഹം മാറിച്ച് ജീവിത്തതിൽ ഒഴിച്ച് കൂടാനാവാത്ത ഒരു ആവശ്യം കൂടിയാണ്. പ്രാണവായു പോലെ അതിജീവനത്തിന് ആവശ്യമുള്ള ഒന്ന്. ജീവന്റെ നിലനിൽപ്പിന് ആഹാരവും ജലവും പോലെ ആവശ്യമായ സ്നേഹത്തെക്കുറിച്ച് 9 കാര്യങ്ങൾ :

∙സ്നേഹം പ്രകടിപ്പിക്കുന്നവരും പ്രകടിപ്പിക്കാൻ അറിയാത്തവരും ഉണ്ട്. ചിലർ സ്നേഹത്തെ അടക്കിവെയ്ക്കുമ്പോൾ മറ്റ് ചിലർ തുറന്ന് കാട്ടുന്നു.

∙നിങ്ങൾ മാതാപിതാക്കളോടോ, ബന്ധുക്കളോടോ എല്ലാം തുറന്ന് പറയണമെന്നില്ല. എന്നാൽ നിങ്ങളുടെ സാഹചര്യങ്ങളെ ജഡ്ജ് ചെയ്വാതെ സ്നേഹിക്കുന്ന ഒരു സുഹൃത്ത് നിങ്ങൾക്ക് അനുഗ്രഹമാണ്.

∙*സ്നേഹം* ഒരിക്കലും അമിതമാകരുത് . സ്നേഹം അമിതമായാൽ അത് മദ്യത്തിനും വിഷത്തിനും സമാനമാകുന്നു.

∙തിരിച്ചൊന്നും പ്രതീക്ഷിക്കാതെ മറ്റുള്ളവർ തങ്ങളെ സ്നേഹിക്കണമെന്നും മനസിലാക്കണമെന്നും ആഗ്രഹിക്കുന്നവരാണ് അസ്വസ്ഥ ഹൃദയത്തിന്റെ ഉടമകൾ.

∙യഥാർത്ഥ സ്നേഹം ഭൗതിക നേട്ടം ആഗ്രഹിക്കാത്തതാണ്. മുറിവേറ്റ രണ്ട് ആത്മാക്കാൾ പരസ്പരം ആശ്വസിപ്പിക്കാൻ ശ്രമിക്കുന്നതാണ് സ്നേഹം.

∙ആത്മാർത്ഥമായി സ്നേഹിക്കാൻ തുടങ്ങുന്നതോടെ ജീവിതത്തോടുള്ള കാഴ്ച്ചപ്പാടിൽ മാറ്റം വരും. ജീവിതത്തിന് മുമ്പത്തേതിലും പോസിറ്റിവ് കാഴ്ച്ചപ്പാട് കൈവരും.

∙വിവേകശൂന്യമായ പ്രവർത്തികളെല്ലാം ഹാനികരമാണ്, അത് സ്നേഹമായാൽ പോലും. എന്നാൽ വിവേകത്തോടെ ചിന്തിക്കുന്നവർ എന്ത് കാര്യത്തിനാണ് പ്രാധാന്യം നൽകേണ്ടതെന്ന് ചിന്തിക്കുന്നു.

∙സ്നേഹമെന്നാൽ ആണും പെണ്ണും തമ്മിലുള്ള പ്രണയം മാത്രമാണെന്നാണ് ചിലർ ചിന്തിക്കുന്നത്. ഇത്തരത്തിൽ ചിന്തിക്കുന്നവർ യഥാർത്ഥത്തിൽ ആരെയും ആത്മാർത്ഥമായി സ്നേഹിക്കാത്തവരാണ്.

∙യഥാർത്ഥ സ്നേഹമെന്നത് സത്യസന്ധമാണ്. അത് കണ്ടെത്തുക. സത്യസന്ധമല്ലാത്തതിനായി സമയം കളയരുത്.