പ്രണയിക്കുക

ഒരേ മണ്ണു കൊണ്ടു
നീയും ഞാനും സൃഷ്ടിക്കപ്പെട്ടു
പ്രാണൻ കിട്ടിയ നാൾമുതൽ
നമ്മുടെ രക്തം ഒരു കൊച്ചരുവി
പോലെ ഒന്നിച്ചൊഴുകി
സംശുദ്ധ പ്രണയത്തിനു
ഒരിന്ദ്രജാലവുമില്ല

ഞാന്‍ പ്രണയത്തിന്റെ രക്തസാക്ഷിയാണ്
ബോധിത്തണുപ്പിൽ,
നിലാവെളിച്ചം തളർന്നുറങ്ങുന്ന രാവുകളിൽ,
ഒരിക്കലും നടന്നുതീർന്നിട്ടില്ലാത്ത നാട്ടുവഴികളിൽ
എല്ലായിടത്തും ഞാന്‍ പ്രണയം അനുഭവിച്ചിട്ടുണ്ട്
പ്രണയം നിലനിർത്താൻ ഒറ്റ വഴിയേയുള്ളൂ..
പ്രണയിക്കുക.